SALAMAT AT NAGBALIK NA NAGSASANAY PARA SA SEAG

BALIK-AKSIYON na ang dating top woman rider ng bansa na si Marella Sa­lamat.

Kaakibat ng kanyang pag­babalik matapos ang halos dalawang taong pag­kawala sa aktibong kompe­tisyon upang makapag-po­kus sa kanyang pag-aaral ang pagduplika sa kanyang naging gold medal win noong 2015 SEA Games.

Kinumpirma mismo ni Salamat ang kanyang pag­balik sa aktibong kompe­tisyon sa nakaraang pagdi­riwang ng ika-10 taon ng pagkakabuo ng Roadbike Philippines.

Sa katunayan ay nagsi­mula na siyang magsanay na kasama ng kanyang kopo­nang Corratec na ngayo’y nasa ilalim na ng pama­mahala ng 7-Eleven Cliqq by Roadbike Philippines para sa kanilang pagsabak sa darating na Philippine SEA Games.

Pinaghahandaang ma­buti ng 24-anyos na rider ang kanyang tangkang pag-ulit sa kanyang gold medal finish sa women’s ITT o in­dividual time trial noong 2015 sa Singapore.

Inumpisahan ni Salamat ang kanyang puspusang pag­sasanay noong nakara­ang buwan kasama ng mga teammates na sina Irish Wong, Genesis Maraña, Ma­­rianne Dacumos, Rica Molina, Jamaeca Cruz Ara­ña at Kim Nicole Oben sa ilalim ng kanilang betera­nong coach na si Cesar Lobramonte.

Nauna rito ay suma­ila­lim na sila sa matinding pag­sasanay sa dakong hilagang Luzon partikular sa Panga­sinan, Baguio, La Union at Subic.

Unti-unti ng buma­balik ang dating porma ni Salamat sa karera na pina­tunayan ng kanyang naging tagumpay sa isang criterium race sa Cebu noong bago mag-Ba­gong Taon. (VA)