Pinagsasabong ng mga fans… KYLINE AT BIANCA, BAGONG MARIAN AT HEART NG SIYETE
SINA Kyline Alcantara at Bianca Umali pala ang sinasabing bagong Marian Rivera at Heart Evangelista ng Kapuso Network.
Teka lang, ‘di sila nag-aaway, ‘no! Pero may ilang kampo ang tipong pinagsasabong sila dahil napansin na sila ang dalawa sa mga most favorite stars ngayon ng GMA-7.
Si Kyline, bida sa bagong Afternoon Prime series na Inagaw na Bituin kung saan kasama niyang bida rin si Therese Malvar.
Si Bianca naman, bibida sa Sahaya kung saan katambal nito si Miguel Tanfelix na nali-link naman kay Kyline.
So, ang dalawang young Kapuso actresses daw ang bagong henerasyon ng Marian at Heart ng network.
Well, agree naman kaya sina Marian at Heart na sina Kyline at Bianca ang sumusunod sa kanilang yapak?
Star-studded ang cast ng Inagaw na Bituin at tampok dito ang kakaibang kuwento ng pamilya na pagbubuklurin ng musika.
Makakasama nina Kyline at Therese sa Kapuso musical drama series sina Sunshine Dizon, Angelika dela Cruz, Marvin Agustin, Angelu de Leon at Gabby Eigenmann.
Comments