39 nalason sa alak, todas

NASAWI ang 39 katao habang 27 ang nagkasakit sa magkahiwalay na insidente ng pag-inom ng mura at pekeng alak sa Northern India.

Ayon kay Senior Police Officer Ashok Kumar, ang 26 na nasawi ay mula sa Uttar Pradesh habang ang 13 iba pa ay mula sa Uttarakhang.

Napag-alaman na uminom ng alak na mayroong toxic methanol ang mga biktima dahilan para masawi ang mga ito.

Gayunman, walo katao ang inaresto ng pulisya dahil sa hinalang ang mga ito ang nasa likod ng panlalason, gayundin ang 35 opisyal ng gobyerno ang sinuspinde kabilang ang 12 pulis.

Samantala, marami umanong bumibili ng pekeng alak sa India dahil hindi kayang bumili roon ng mga simpleng mamamayan ng lisensiyadong brand ng alak.

Ang mga pekeng alak ay nilalagyan umano ng mga kemikal tulad ng pesticide.