MIGHTY SPORTS, BRONZE MEDALIST SA DUBAI STINT

NAKOPO ng Mighty Sports ang bronze me­dal ng Dubai Interna­tional Basketball Cham­pionship pagkaraang talunin ang Homenet­men, 91-76, noong Sa­bado ng gabi sa Shabab Al Ahli Club sa Dubai.

Nagtala ng 19 points si Jett Manuel upang manguna sa Mighty Sports habang nag-ambag din si Randolph Morris ng 11 points at 6 rebounds para sa kopo­nan.

Nakopo ng Mighty Sports ang kanilang pang-anim na panalo sa loob ng pitong laro sa torneo.

Nakuha ng Mighty Sports ang pangatlong puwesto nang mabawi ang kanilang pagkatalo laban sa Al Riyadi sa semifinals kamakalawa.

“Overall, the stint was a successful cam­paign. Although the fact that we were already so close, sayang lang ta­laga,” saad ni Mighty Sports coach Charles Tiu sa panayam sa kanya sa Dubai.

Gumawa ng 8 points ang dating NBA player na si Lamar Odom sa kanyang huling laro para sa koponan sa na­turang kompetisyon.

Hindi nakapaglaro para sa Homenetmen si Walter Hodge na ku­mana ng 42 points sa kanilang paghaharap sa elimination round.