Tulak pumalag dedbol

NUEVA ECIJA—Isang drug pusher ang napatay nang manlaban sa pulisya na nag­sagawa ng buy-bust operation, kamakalawa sa Bgy. Imbunia, Sta. Rosa sa lalawigang ito.

Kinilala ang suspek na si Mario Lictawa, nakatira sa naturang bayan.

Ayon sa ulat, aarestuhin sana sa buy-bust operation si Lictawa, pero bigla itong nanlaban at pinagbabaril ang mga awtoridad.

Agad namang gumanti ng putok ang pulisya kaya napatay ang suspek.