Kontrata ng Peryahan ng Bayan ng PCSO, expired na

Bulgarific

HELLO, Bulgarians! Noong April 2, 2014, binigyan ng PCSO ang Globaltech Mobile Online Corporation (Globaltech) ng Deed of Authority (DOA) para makapagbukas ng Peryahan ng Bayan na experimental test run basis. Ngunit, ang nasabing DOA ay hindi nai-renew ng PCSO at expired na noong March 31, 2016.

Kamakailan ay binigyang-desisyon ng Court of Appeals ang isinampang petisyon ng PCSO at Globaltech at ito ay na-dismissed at kinakailangang magsumite ng mga issue bago ang arbitration pursuant sa Arbitration Clause sa expired na DOA.

Ilan sa mga laro sa Peryahan ng Bayan ay ang “HulogHolen”, “Throw Coins” at “Gulong ng Swertres”. Ito ay umikot sa iba’t ibang lugar sa Pilipinas kabilang ang Quezon City, Pangasinan, Oriental Mindoro, Marinduque, Palawan, Rizal, Catanduanes, Negros Occidental, Cebu, Bohol, Agusan del Norte, Davao del Sur, Misamis Oriental, South Cotabato at Zamboanga del Sur.

Dalawang taon itong pinatakbo ng Globaltech ng hindi alam at hindi control ng PCSO. Hindi nagbigay ng kahit isang sentimo ang Globaltech sa PCSO na nagsisilbing pondo para sa medical, health-related charity services nito.

Patuloy lamang ang pagsunod ng PCSO sa directive ng presidente na pangunahan ang law enforcement agencies na arestuhin ang sinumang lumalabag sa batas at illegal gambling activities sa bansa mula sa Executive Order No. 13, Series of 2017 and Republic Act No. 9287 (An Act Increasing the Penalties for Illegal Numbers Games, Amending Certain Provisions of Presidential Decree No. 1602, and for other purposes).

♥♥♥

Mga katsika, abangan n’yo ang mga picture natin sa Instagram, i-follow n’yo ako -@missbulgarific o i-like ang aking Facebook page –https://www.facebook.com/Missbulgarific

♥♥♥

For event invitations, please, email bulgarific@gmail.com or message me on my Facebook page.

Got to go! It’s so Bulgarific!

xoxo