GM SO, UNA SA NAPILING KALAHOK SA GRAND PRIX

MULING kinilala ang posibilidad na maaaring ma­ging world champion ni Pi­noy Grandmaster Wesley Bar­bosa So matapos na isa­ma ang kanyang pangalan sa 2o woodpushers na lalahok sa isang qualifying chess se­ries kung saan ang top two finishers ay makakakuha ng tiket papunta sa 2020 FIDE World Chess Candidates’ Matches.

Dalawampung chessers, kabilang na ang tubong Ca­vite na si So, 25 taong gu­lang at dating hari ng Philip­pine chess, ang napabilang sa mga piling kalahok sa 2019 Grand Prix Chess Se­ries. May apat na bahagi ang serye kung saan bawat serye ay may cash purse na €130,000. Bukod dito, may karagdagang €280,000 na naghihintay sa topnotcher ng serye.

Ang unang leg ay ga­ga­napin sa Mayo 16 - 30; ang pangalawang bahagi ay ma­sasaksihan sa Hulyo 11 - 25; ang pangatlong parte ay u­usok sa Nobyembre 4 - 18 sa­mantalang sa Disyembre 10 - 24 naman lalatag ang hu­ling yugto. Kasama sa pi­ling pulu­tong ng kalahok sina Nor­we­gian GM Mag­nus Carl­sen, GM Fabiano Caruana (USA), GM Shak­hriyar Mamedyarov (Azer­baijan), GM Ding Liren (Chi­na), GM Vladimir Kram­nik (Rus­sia), GM Maxime Vac­hier Lagrave (France), GM Anish Giri (Nether­lands), GM Levon Aronian (Arme­nia), GM Vishwana­than Anand (India), GM Alex­ander Grischuk (Rus­sia), GM Hikaru Nakamura (USA), GM Sergey Kar­ja­kin (Rus­sia), GM Yu Yangyi (Chi­na), GM Ian Nepom­niach­tchi (Russia), GM Peter Svid­ler (Russia), GM Teim­our Rad­jabov, GM Ve­selin Topalov, GM Dmitry Jako­venko at GM David Na­vara (England).