Babaeng itinakwil ng mga magulang dahil nabuntis at hindi pinanagutan

Dear Roma,

Ako si Ericka, 19 years old. Sa ngayon, apat na buwan na akong buntis, pero hindi kami okay ng parents ko mula nang nalaman nilang buntis ako. Sinabi pa nila na disgrasyada raw ako dahil nabuntis ako at iniwanan. Tanggap ko naman na nagkamali ako at pinagsisihan ko ‘yun. Kaya ngayong magiging magulang na ako, gusto ko sanang magkaayos na kami. Nakikituloy lang ako sa tita ko, kaya nahihiya na rin ako. Ano ang dapat kong gawin? Sana, ma­tulungan ninyo ako. Maraming salamat! — Ericka

Ericka,

Siguro, nabigla ang mga magulang mo nu’ng na­laman nilang buntis ka kaya nila nasabi ang mga salita na ‘yun. Ang maipapayo namin sa’yo ay subukan mo muling kausapin ang mga magulang mo nang ma­hinahon. Siguradong ngayon, eh, kalmado na ang isipan nila. Kaya ano pa ang hinihintay mo? Puntahan mo na sila at kausapin. ‘Ika nga nila, walang magulang ang kayang tiisin ang kanyang anak. Good luck sa’yo!