Alamin mula kay Señor... KAALAMAN TUNGKOL SA PAGSASAYAW NG MGA DRAGON

Sr. Socrates Magnus II

Bigyang-daan natin ngayon ang pagpapatu­loy sa kultura ng mga Tsino tungkol sa dragon na na­ki­kita sa Chinese New Year.

Tapos na ang Chi­nese New Year! Pa­niguradong kahapon, Feb­ruary 5, eh, na­kita natin ang na­paka­ra­ming Chinese dra­gons sa ha­los lahat ng kalye sa Chinatown. Bagama’t, ang kiniki­lalang China­town ay ang Bi­nondo sa May­nila, ang mga Chinese ay nasa Sta. Cruz at Quiapo area at mga kala­pit na lugar.

Kaya kung gusto nin­yong makapanood ng the Chinese dragon dance, pumunta na kayo sa na­sabing mga lu­gar sa Chi­nese New Year kung saan iba’t ibang Chi­nese dra­gons ang inyong makikita na nagsasayaw.

Pinaniniwalaang ang mga manonood ng Chi­nese dra­gon dance ay su­suwertehin lalo na sa mga aktibidad na may kinala­man kung saan na­kataya ang kapalaran, partikular na sa sugal, casino at lotto.

Sinasabi rin na gagan­da ang kapalaran ng mga ma­kapanonood at matu­tuwa sa Chinese dragon dance, kaya kung gusto mong magkato­too ang iyong mga kahili­ngan sa buhay na may kaug­nayan sa pera o pinansiyal na as­peto at lalo na sa ne­gos­yo, tara na at manood tayo ng Chinese dragon dance.

Pinaniniwalaan din na ang mismong lugar kung saan magkakaroon ng dra­gon dance ay susuwer­te­hin, uunlad at aasenso ang ne­gosyo.

Ito ang da­hilan kung bakit maraming place of bu­­siness ang nag­sasagawa ng ganitong na­kaugalian.

Kaya ang palatandaan ng lugar na aangat sa pag-unlad ay kung gaano kara­ming dragon dance ang gina­wa sa kanila.

Bukod sa susuwertehin ang lugar, su­suwertehin din ang may-ari ng negos­yo, mga empleya­do at ang mis­mong makaka­kita sa pagsa­sayaw ng mga ito.

Nagpapataas ng antas sa pagiging masuwerte ang mga makasasaksi kapag ang kanilang suot na damit ay kakulay ng dragon kung saan ang kadalasang kulay nila ay green dahil ito ay sim­bolo ng maunlad na negosyo na ma­ihaha­lintulad sa ani ng mga pananim, kaya ang green ay para sa great har­vest.

Sa totoo lang, ‘harvest” ang tunay na tawag sa ki­ni­­kita ng negosyo sa mala­lim na pananaw ng mga Tsino.

Samantala, yellow ang kulay para sa prosperity dahil kulay yellow ang gold o ginto habang red ang para sa sigasig, sigla at ma­gan­dang takbo ng ne­gosyo at silver naman para sa ma­kislap na kapalaran ng negosyo. Ito rin ay sim­bolo sa pag-akit sa mga suki dahil sa kakaibang kinang nito.

Gusto mo bang suwer­tehin lalo na sa pera? May negosyo ka ba, pero ma­layo sa Chinatown? Tara na! Pu­munta na tayo sa Chinatown at manood ng dragon dance!