KARERANG PINOY: ANG REVIVAL NG TRACK CYCLING

MULING idaraos ang isang cycling event na tina­guriang Karerang Pinoy “The Revival of Track Cy­cling” sa Pebrero 17-24 ha­bang ang huling yugto ay sa Marso 3, 2019 na gaga­napin sa Cavite State Uni­versity (CAVSU) Track Oval, In­dang, Cavite na sinupor­tahan ni CAVSU President Dr. Hernando Robles.

Ayon kay dating Secre­tary General ng Philippine Cycling Armando Bautista sa tulong ng ABJR Events and Talent Management Ser­vices, ang nagdaang tat­long dekada ng track cy­cling ay nakatulong sa mga kaba­taang magkaroon ng scho­lar­ship sa iba’t ibang uniber­sidad tulad nina Atty. Cor­nelio Padilla, Olympian ng FEU, Ben Evangelista, Olym­pian ng UE, sa FEATI na sina Maximo Junta, Jr., Ro­berto Querimit - Asian Games medalist, Carlos Ani­tino-Asian Games me­dalist, sa ADAMSON na si Rodrigo Arzadon - Asian Games Medalist, PUP - Ro­lan Ocampo Scholar at TUP scholar na si Arcenio Tado, maging ang 7-time Track Oval King na si Ma­nolito Moring, at marami pang iba.

“Sa panahon ngayon, marami ang nahihilig sa mountain biking at road ra­cing pero tuluyang nakalili­mutan ang track cycling event kung saan mayroong siyam na medalyang pinag­lalabanan sa International competition tulad ng Asian Games, SEAgames and Olympics ngunit wala nang nagaganap na kompetisyon dito sa Pilipinas, kaya’t nais naming maibalik ang nawa­lang kinang ng Philippine Track Cycling, kaya sa mga nais na lumahok sa event ay mag-email lang sa abevent­sand talents@gmail.com,” ayon kay Bautista. “Nakita ko rin na dapat mabigyan ng proteksiyon sa daan ang mga siklista sa pamama­gi­tan ng pagbibigay ng insu­rance, together let us make his­tory,” dagdag niya.