Sa mga mahilig mag-midnight snack diyan, read n‘yo ‘to! MGA PAGKAING DAPAT IWASAN PARA HINDI BANGUNG

HINDI natin maita­tangging masarap kumain kahit anong oras lalo na kung gutom tayo o naka­ra­ramdam ng craving. Pero, mga bro at sis, alam ba ninyo na mayroong mga pagkain na hindi natin puwedeng kainin sa gabi? Hmmm… kung wala kayong ideya kung anu-ano ang mga ito, narito at alamin natin:

1. STARCHY FOOD. Ang patatas, pasta at rice ay ilan sa mga starchy food na madalas nating kainin tu­wing hapunan. Ayon sa mga eksperto, ang mga pagkaing nabanggit ay nagiging su­gar kapag natunaw at nagiging sanhi ng mataas na blood sugar at insulin. Gayunman, hindi ito ipinapayong kainin sa gabi dahil ito ay nagiging ‘stored fat’. Inire­rekomenda ng mga eksperto na protein at mga gulay na lamang ang kainin sa gabi.

2. SPICY FOOD. Para sa mga mahihilig kumain ng maaanghang d’yan, hu-hu-hu! Sad to say, pero isa rin ito sa mga hindi puwedeng kainin sa gabi dahil posible umano itong maging sanhi ng heartburn, partikular sa mga humihiga kaagad pag­kalipas ng ilang minuto pag­katapos maghapunan.

3. CARBOHY­D­RATES. Bagama’t, mabuti ito sa ating katawan, kabilang din ito sa mga bawal. Ayon sa mga eks­perto, ang mga pagkain na mataas ang glycemic index content ay mabilis na naa-absorb ng dugo. Gayun­man, nagiging stored fat umano ito kung hindi regu­lar na nag-eehersisyo ang indibidwal.

4. GREASY & FAT­TY FOOD. Pizza, fries at burger — kung minsan, ito ang kinakain natin sa ha­punan lalo na kapag ina­bu­tan tayo ng oras ng pagkain sa mall, pero, mga beshy, ayon sa mga eksperto, gaano man ito nakatutuksong ka­inin, dapat natin itong iwa­san dahil ito ang mga pag­kaing hindi mabilis matu­naw at maaaring ang GI o gastrointestinal tract natin ang magdusa. Hala!

5. ALCOHOL. Ma­rami sa atin ang umi­inom ng alak sa gabi, parti­kular na ang mga taong stressed sa trabaho. Totoo ba? Ha-ha-ha! Ayon sa mga eksperto, ang pag-inom ng alak sa gabi ay sanhi ng pag­kagu­tom at pagke-crave ng mga pagkaing may car­bo­hyd­rates kung saan po­sible itong magresulta sa over-eating.

6. CHOCOLATES. Kahit hindi natin maiwasan ang paghahanap ng dessert o matatamis na pagkain pag­katapos ng hapunan, hindi ini­re­rekomenda ng mga eks­perto ang pagkain ng tsoko­late bilang dessert sa gabi dahil sa caffeine na mayroon ito.

Ang caffeine na taglay ng tsokolate ay hindi maka­tutulong upang magkaroon tayo ng mahimbing na tulog.

Oh, ayan mga tropa, ngayong alam na natin ang mga bawal kainin sa gabi, stop na, ha? ‘Ika nga nila, pre­vention is better than cure, kaya go lang tayo sa mga rekomendasyon ng mga eksperto.

For sure, ma­raming al­ternatibong pag­kain ang puwede nating ipa­lit sa mga nakasanayan natin.

Stay healthy! Okie?