Kung si Pops, proud na proud na pasok na judge… GARY, ATRAS SA INTERNATIONAL SHOW, MAS PINILI ANG D
Anj Cabilla / PAK ANG GANAP!
‘DI lang pala sina Martin Nievera at Pops Fernandez ang inalok ng international talent show na The World’s Best na maging parte ng 50 international hurados ng show o tinawag na “Wall of the Worlds Experts”.
Sa isang interview ni Gary Valenciano sa TV Patrol ay ibinulgar niyang inalok din siya ng international talent show, ngunit tinanggihan niya dahil plantsado na ang schedule ng kanyang show na World of Dance Philippines na ipinapalabas sa Kapamilya Network tuwing Sabado at Linggo nang gabi.
Ayon kay Gary, madaragdagan ang talents na ipapakita natin sa buong mundo kung gagawin ang World of Dance, dahil marami tayong talentadong Pinoy na madidiskubre. Bukod sa mapapanalunang P2 million ay lalaban din sa World of Dance US ang mananalo sa show.
Gayunman, proud pa rin si Gary na si Pops Fernandez ang napili at uupo bilang isa sa mga hurado sa The World’s Best.
Aniya, “She’s perfect dahil marunong talagang makipag-communicate si Pops sa mga artists.”
Tiwala naman si Gary na marami pang oportunidad na maipapakita ang world-class talent ng mga Pinoy.
Comments