DE OCAMPO AT PATTS, ENTRA NA SA NCRAA Q’FINALS

PORMAL na nakapa­sok sa quarterfinals ng 26th National Capital Region Athletic Association (NCR­AA) ang De Ocampo Me­mo­rial College at PATTS Col­lege of Aeronautics ma­ta­pos nilang magwagi sa hi­walay na laro noong Biyer­nes ng hapon sa Saint Joseph Gymnasium ng Pasig Ca­tho­lic College. Maghihintay nalang ang dalawang paara­lan kung sino ang kanilang ha­­harapin pagkatapos ng huling araw ng elimination round sa Dagupan City sa Peb. 6.

Kahit ipinalabas sa laro ang coach at limang kakam­pi dahil sa limang foul, na­gawa pang bumangon ang DOMC at biguin ang Pasig Catholic, 89-87. Sabay nag­rek­lamo sa mga tawag ang buong koponan ng DOMC sa simula ng huling quarter kaya na-out si Coach Ron­nie Dojillo sa bisa ng dala­wang indirect technical foul at lugmok ng 15 ang Cobra, 58-73.

Kabaligtaran ang nang­yari at ito ay nagsilbing mit­sa para unti-unting lumapit ang DOMC sa likod nina Ha­­rold Lescano, Reynold Arte­sano at Tyrone de la Cruz at agawin ang kalamangan na may 2:40 nalalabi at hindi na nila ito binitiwan, 85-81.