Bangkay ng mangingisda lumutang sa lawa

PANGASINAN—Isang mangingisda ang natagpuang patay, kamakalawa habang nakalutang sa lawa na sakop ng Bgy, Malimpek, Lingayen sa lalawigang ito.

Kinilala ang biktima na si Mario Zacarias, residente ng nasabing lalawigan.

Nabatid na ilang residente ang nakatagpo sa nakalutang na bangkay ng biktima sa naturang lawa.

Sa imbestigasyon ng mga awtoridad, lumitaw na tumaob ang bangkang kinalululanan ng biktima kaya ito nalunod at namatay.