PULSE MASTER, ‘DI MATIBAG SA TOP SPOT

TUMIBAY ang kapit ng Phoenix Fuel­Masters sa top spot ng team standings ma­tapos nilang tambakan ang Blackwater Elite, 114-95 sa 2019 PBA Philippine Basketball Association, (PBA) kagabi sa Ynares Center, Antipolo.

Nangalabaw si Calvin Abueva ng 22 points at 14 rebounds para ilista ang four-game winning streak ng FuelMasters at manatili sa tuktok ng team standings. Maagang uminit ang opensa ng FuelMasters, hinawakan nila ang 24-point lead, 66-42 sa halftime.Lalong binaon ng Phoenix ang Elite sa third quarter, umalagwa ang kanilang lamang, 90-62 papasok ng 4th canto.

Dahil sa laki ng lamang, halos mag-jogging na lang sa payoff period ang FuelMas­ters at pormal na sinilo ang malinis na apat na panalo. Bumira si Abu Tratter ng career-high 24 puntos at walong rebounds para sa Blackwater na nalasap ang pangatlong talo sa apat na laro.

Samantala, determinado ang Barangay Ginebra Gin Kings na kalsuhan ang two-game skid pagharap nila sa makukulit na Columbian Dyip ngayong ala-6:45 ng gabi sa parehong lugar.

Maganda ang simula ng laro ng Gin Kings ngayong conference, kinalos nila ang TNT KaTro­pa, 90-79 sa opener pero lupaypay sila sa sumunod na dalawang laro kontra San Miguel Beer (91-99) at Rain or Shine (80-83).Dismayado ang koponan sa kanilang mga talo, halos 100% ang kanilang lakas dahil nakapaglaro na ang ibang nagpagaling ng injury.

Kaya walang ibang nasa kukote ng Ginebra kundi talunin ang Dyip mama­yang gabi. Pero inaasahang hindi magiging madali para sa crowd favorite na maku­ha ang panalo, sapagkat impre­sibo ang unang apat na laro ng Dyip. (ATD)