‘Ika nga, no dyowa, no problem... MGA PARAAN PARA I-CELEBRATE ANG VALENTINE’S DAY KASAMA ANG MGA KAI
SINGLE ka ba sa Valentine’s Day? Oks lang ‘yan, ‘yung barkada mo rin naman!
Hindi big deal kung wala tayong dyowa sa “Araw ng mga Puso” kasi marami namang dahilan para ma-celebrate ang araw na ‘yun. Awat na sa pagiging bitter dahil ang Valentine’s Day ay para sa lahat, kahit para sa ating mga single. Kaya, narito ang ilang super fun tips para ma-enjoy natin ang Valentine’s Day kasama ang ating barkada:
1. GO ON A SHOPPING SPREE. Sabi nga nila, universal language para sa kababaihan ang pagsa-“shopping” wala nang mahabang paliwanag dahil alam na kaagad nila ito. Sa rami ng stress na nararanasan ng bawat isa, everyday, maliit na bagay lang ang pagsa-shopping para makabawi, pero mas cool kapag kasama natin sila beshie! Okidoki?
2. GET MAKEOVERS TOGETHER. Kung may budget tayo, gora na tayo sa salon, pero kung medyo tipid-tipiran, eh, sa bahay na lang muna. He-he-he! Puwede tayong mag-overnight tapos mani-pedi, try natin ‘yung mga trending na hairstyle, isipin n’yo na lang na hindi man kayo palaging masaya, palagi naman kayong maganda, ganern!
3. HAVE A ROM-COM MARATHON. ‘Yung tipong tamang chill lang tayo habang nanonood ng mga rom-com movie, as in, ‘yung super nakakikilig. Sobrang oks na bonding ito kasama ang tropa, at least, kahit wala tayong dyowa, eh, kilig over load pa rin!
4. FOOD TRIP. Siyempre, nakatatamad kung gutom tayo sa Valentine’s Day, ‘di ba? Perfect ang food trip habang nagkukuwentuhan tayo tungkol sa mga kalokohan at happy memories natin kasama sila. Wala munang diet-diet! He-he-he!
5. EXCHANGE GIFTS. Good idea ito, lalo na at wala naman tayong aasahang magbibigay sa atin kaya, tayo-tayo na lang, chos! Sa totoo lang, kahit simple lang ang ibigay natin basta galing sa puso at hindi tayo napipilitan, maa-appreciate ‘yan ng ating mga kaibigan. Alam mo na, ‘wag ka munang kuripot, ha?
6. EMBRACE THE OUTDOORS. Puwede tayong mag-road trip at nature tripping at the same time, tapos magkakantahan kayo habang nasa biyahe, sobrang barkada goals talaga! Nakapag-bonding na kayo ng tropa, nakapag-relax ka pa, ayos!
7 . GO THE ARTSY MILE. Kung medyo art enthusiast naman tayo, gora na sa mga museum. Gamitin natin ang pagkakataong ito para makapag-bonding habang natututo ng mga bagong kaalaman tungkol sa mga bagay-bagay, for sure, mag-e-enjoy talaga tayo rito, beshy!
Truly na dapat sulitin natin ang bawat araw na kasama ang ating mga kaibigan at kahit next year kung may dyowa na ang isa sa inyo o tayo mismo, huwag nating kalilimutang mayroon tayong mga kaibigan na palaging nand’yan, lalo na kung kailangan natin sila.
Gets mo?
Comments