Patintero ni: DTMT

What's IN, ka-Bulgar

Ikaw ang taya, ako ang kawawa, sa buhay

na parang patintero ang eksena.

Sa una masaya, pero nang lumaon na ay

nakalimutan na ang ligaya at kumpetisyon ang nanaig sa ating dalawa.

Noon ay magkahawak ang ating mga kamay, ngunit,

ngayon ay bigla mo na lang itong binitawan.

Kailan kaya ako seseryosohin at hindi paglalaruan

ng mga taong aking minamahal?

Sana sa susunod, hindi na patintero ang ating laruin,

tagu-taguan na lang para walang masasaktan sa atin.

Mas mabilis magtago ng feelings kaysa

lumaban kahit alam mong talunan ka pa rin.

Ako ang susugal, ikaw ang tataya, ngunit, sa huli

ako pa rin ang masasaktan at kawawa.

Nakatatawa, ‘di ba? Pero, ganu’n talaga

kapag tanga sa pag-ibig.

Magmumukmok na lang sa gilid, mangangarap

na totoo ang ating pag-ibig.

Itigil na natin ang patintero, halika na’t

magseryoso.

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!