Negosyante tinodas ng riding-in-tandem
Pabs Hernandez III
Jan 26, 2019
1 min read
NORTH COTABATO—Isang negosyante ang namatay nang barilin ng riding-in-tandem, kamakalawa sa Bgy. Poblacion, Pikit sa lalawigang ito.
Ang biktima ay nakilalang si Kamarudin Totol, residente ng Bgy. Galakit, Pagalungan, Maguindanao.
Ayon sa ulat, nakatayo sa harap ng tindahan si Totol nang sumulpot ang dalawang hindi kilalang lalaki na nakasakay sa motorsiklo at agad pinagbabaril hanggang sa mapatay ang biktima.
Iniimbestigahan na ng pulisya ang motibo ng mga suspek sa pagpatay sa biktima.
Comments