Utol, ipinapapatay daw sa pamilya… CLAUDINE, IPINAGTANGGOL SI KRIS, INILAGLAG SI GRETCHEN

Anj Cabilla / PAK ANG GANAP!

SPEAKING of Kris Aquino, mainit na pinag-usapan sa mundo ng social media ang diumano’y pagta­wag at paghingi niya ng resbak at tulong sa kapatid ni Gretchen Barretto na si Claudine para pagtulu­ngan diumano nilang pa­bag­­sakin at sirain si La Greta.

Ito ay matapos mag-post si Gretchen noong Lunes (January 21) sa kanyang Ins­ta­gram account at ibi­nulgar na diuma­no’y tuma­wag si Kris sa kanyang naka­­baba­tang kapatid na si Claudine at humi­ngi ng tulong para pagtulungan siya.

“And what’s this I heard from inside her camp? She called up Claudine to tell my parents that she will file a case against me & put me to jail and asked them for help in destroying me. What is this, a tag team wrestling match? Can’t a “Queen” handle it herself?” ang na­ging pahayag ni Gret­chen sa kanyang Instagram post.

Matagal nang may hid­waang nama­ma­gitan sa magkapatid na Gretchen at Claudine na hanggang ngayon ay hindi pa rin nila nareresolba.

Ayon din kay Gretchen, kung kay Nicko Falcis ay sinabi ni Kris na “Ipapa­patay kita sa pamilya ko,” ang version na­man daw na ginamit sa kanya ng Queen of All Media ay “Ipapapatay kita sa pamilya mo,” dahil sa paghingi nito ng saklolo sa kanyang kaalitang kapatid.

Kasunod nito, agad na humingi ng reaksiyon ang PEP.ph mula sa kampo ni Claudine patungkol sa pagkaka­banggit ni Gretchen sa kanyang panga­lan.

Ayon kay Claudine, kabaligtaran ng sinabi ni Gretchen sa kanyang Insta­gram account, wala raw ganu’ng nang­yari at hindi tumawag sa kanya ang Queen of All Media para humingi ng tulong para sirain si Gretchen.

Aniya, “Walang ganyang nangyari. Kung sino gumagawa ng ganyang ku­wento, ‘di nagsasabi ng totoo.”

Tila nabasa ni Claudine ang post ni Gretchen, kaya matapos ang ilang minu­to ay nag-reply itong muli.

Aniya, “Not true at all. May sakit pareho parents ko.

“It doesn’t make sense. Thank you for letting me know.”