Dagat at tulay na may tubig

Socrates Magnus

Salaminin natin ang pa­naginip ni Jaja ng Jaja_ Garia @facebook.com

Dear Professor,

Masama ba ang mana­ginip ng dagat at tulay na may tubig?

Naghihintay,

Jaja

Sa iyo Jaja,

Ang pangarap ng bawat tao ay sinisimbolo ng dagat sa pa­naginip kaya ang sagot sa ta­nong mo na masama ba ang managinip ng dagat ay hindi.

Eh, ano ang masama? Eh, ano pa nga ba kundi ang taong walang pangarap sa buhay.

Mayroon bang mga tao na walang pangarap? Oo naman!

Ang una sa listahan ay ang mga taong inuubos ang buong araw sa pakikipagtsis­misan.

Pangalawa, ay ang mga ta­ong umaasa na lang sa tu­long ng ibang tao. Pangatlo, ay ang mga nabubuhay sa kasalukuyan na hindi na pi­nahahalagahan ang kanilang kinabukasan.

Sila ‘yung kapag sasahod, eh, gastos nang gastos. Pang-apat, ay ‘yung mga nabubu­hay sa nakaraan at hindi nila matang­gap na ang tapos na ay tapos na.

Mayroon pa! Sila ‘yung bu­ong araw ay palaging na­ka-mo­nitor sa social media at mag­hapong naglalaro ng games sa internet.

Ang tulay na may tubig sa iyong panaginip ay ma­sama ba? Hindi, dahil ang ma­sama ay ang tulay tapos wala namang tubig.

Ang tulay ay sinisimbolo ng pagtawid ng tao sa su­sunod na hakbang ng kan­yang buhay kung saan naka­salalay ang kanyang tagum­pay o kabiguan.

Kapag hindi niya naga­wang makatawid sa tulay ay hindi na siya makaaalis sa kanyang ka­salukuyang bu­hay na ang sabi rin ng kan­yang panaginip ay kailangan na rin niyang takasan.

Ang tubig sa panaginip ay simbolo ng damdamin, kaya ang tatakasan mo sa buhay ay ang sobra mong pagiging emos­yunal.

Dahil dito, ang pahabol na payo ay nagsasabing, la­kasan mo ang loob mo, hu­wag kang mas­yadong emos­yunal.

Ang pag-ibig ay isakri­pisyo mo muna at piliin mo ngayon ang pagkakataong matupad mo ang iyong mga pangarap sa buhay.

Mahirap ba? Oo, mahi­rap nga, pero, sure na sure akong makakaya mo ito.

Hanggang sa muli,

Professor Seigusmundo del Mundo