Kung si Arjo, puring-puri… MARICEL, 'DI BILIB SA AKTING NI ANGEL

Janice DS Navida / SHOWBIZ SPECIAL

KILALANG prangka at ‘di plastic ang Diamond Star na si Maricel Soriano kaya nang ipa-rate sa kanya sa presscon ang galing sa pag-arte ni Angel Locsin na bida sa bagong Kapamilya ser­yeng pagsasamahan nila, ang The General’s Daughter, diretsahang sinabi ni Marya na “Eight” ang rating na ibi­nibigay niya kay Angel out of 1 to 10.

Coming from the Diamond Star na kilalang ma­taas ang standard, nakaka-happy nang marinig na 8 ang ibinigay niyang rating kay Angel bilang aktres at dapat na ngang ipagpasa­lamat ng mga fans.

Pero ang siste, imbes ma-happy and proud ang mga fans ni Angel, nag-react pa sila na bakit “8” lang ang rating ni Marya sa kanilang idolo samantalang “10” na­man ang ibinigay nito kay Arjo Atayde na guma­ganap na autistic na anak niya sa The General’s Daugh­ter.

Sinundan pa ito ng todo-papuring sinabi ni Maricel kay Arjo dahil ngayon lang daw siya nakakita ng gani­tong klase ng aktor na sob­rang galing umarte.

Eh, kung ‘yun ang feeling ng Diamond Star na nakukulangan pa siya kay Angel, bakit naman ku­ku­westiyunin ng mga fans? Baka para sa standard niya, may puwe­de pang ilabas si Angel sa mga susunod ni­yang eksena o projects.

Wala namang masama sa sinabi niya at nagpaka­totoo lang siya.