Napikon sa mga kalaban, tatakbo na sa 2022...RESBAK NI KRIS: MAGHANDA KAYO, MAGPAPALAKAS AKO!

Vinia Vivar / FRANKLY SPEAKING

SA kanyang mahigit kalahating oras na live broadcast sa social media accounts niya last Tuesday night ay sinagot ni Kris Aquino ang mga issues involving her and former business manager, Nicko Falcis, kabilang na ang nag-viral na recorded audio ng phone conversation nila kung saan ay nagbanta siya sa buhay ng nakaalitang empleyado.

Nagbigay na rin siya ng ilang malinaw-linaw na detalye tungkol sa P40 M invest­ment na sinasabi niyang ninakaw ni Nicko at kung bakit P1.27 M lang ang kanyang ikinaso.

“It was four months when we first demanded for an accounting for the P40 million, until now, none has been made. Mas matino pa ‘yung mga Thai partners.

“But all I asked was because naka­pangalan kay Voldemort, ‘yun na lang ipangalan natin sa kanya, ‘the name that cannot be mentioned.’ Ayaw ibigay sa akin. ‘Yun lang naman ang hiningi ng lawyers ko, eh. Ibigay sa akin ‘yung transfer para mailagay sa pangalan ng mga bata. Ganu’n ka-selfish. Pera ko ‘yun, perang pinag­hirapan, tax paid. Ayaw ibigay,” pahayag ni Kris.

Kung bakit hindi ito isinama sa kaso, paliwanag niya, “Because kung alam n’yo ang legalities, hindi n’yo inilalagay sa kaso because you want to recover that money.”

Tungkol sa pagbabanta niya sa buhay ni Nicko, ani Kris, “It’s now January 2019. He waited 110 days. Kung grave threats talaga ‘yun, the very next day, sana kina­suhan mo na ‘ko.

“Sasabihin n’yo, he was in another country, lawyers said all he had to do was file an affidavit. He did not.”

Inamin din ng Social Media Queen na nagkamali raw siya sa mga binitiwang pananakot sa buhay ni Nicko.

“Nagkamali ako sa simula, and ina­amin ko ‘yun, and I apologize. Nagkamali ako dahil sa tindi ng galit ko, dahil noong panahon na ‘yun — I’ll put everything into context — my son was breaking down, because he knew - dahil nga kay Selena Gomez - kung gaano ka-serious ang autoimmune disease.

“He knew also kung gaano katindi ang allergies ng nanay niya, that’s why we came here para malaman namin, may chance ba para malabanan pa. If you see your 11-year-old son breaking down, hindi ka ba magagalit?

“Sinasabi niya why am I blaming it on him? Because six months prior to that, I was okay. Do the research. Autoimmune can stay dormant, but any stressful situation, lalabas ‘yan. Kahit sinong doktor, sasabihin ‘yan.”

Nabanggit din ni Kris na may kinalaman sa 2022 elections ang lahat ng mga nag­lalabasan against her.

“This has to do with 2022. Alam ko naman, sila ang pumo­pondo doon sa trolls, sila ang pumo­pondo doon sa machinery na all backing Nicko.

“Hindi nila nage-get, I’m not healthy enough for 2022, but let’s be honest, sa ginawa n’yo sa ‘kin, mag­papalakas ako. Maghanda kayo,” pagbabanta ni Kris.

Na-address din ni Kris ang tungkol sa pagkakasali ni Gre­t­chen Barretto at aniya, hindi na raw niya ito papansinin dahil hindi ito involved.

“You keep telling me to make pansin Miss Gretchen Barretto, I refused. Kasi she’s not involved. She’s another one na gustong sumali,” ani Kris.

Marami namang netizens ang nagpayo kay Kris na ang health na lang niya ang kanyang isipin at hayaan nang ang lawyers niya ang sumagot at mag-asikaso ng kasong ito.