Gretchen, suportado sa hirit na bully at power tripper ang TV host… ENCHONG, WALANG PAGSISISI SA BAN
NAKAUSAP namin si Enchong Dee after ng presscon proper at hiningi namin ang reaksiyon niya sa posibleng isipin ng mga bashers na dahil lang may movie sila ni Janine Gutierrez na Elise kaya siya nakisawsaw kay Gretchen Barretto sa patutsada raw nito kay Kris Aquino.
Matatandaang recently, ni-like ni Enchong ang isang social media post ni Greta kung saan sinabi nitong “no to bullying at power tripping” bilang suporta kay Nicko Falcis na kaalitan at kademandahan ngayon ni Kris.
Sabi ni Enchong, mahilig siyang mag-like ng mga posts at ang naisip na lang daw niya, ganu’n pala siya kaimportanteng tao para mapansin ng mga netizens ang pag-like niya sa post ng iba.
Pero paglilinaw niya, “It was not because of the movie. You know I would speak out of nowhere if it’s political, if it’s environmental. You know me, I would speak.”
Aware naman daw siya na patutsada kay Kris ang naturang post at katwiran lang niya, “I know what I liked.”
Kaya raw niyang panindigan ang ginawa pero ayaw niya na lang lumaki ang issue dahil wala siya sa posisyon para makisawsaw kaya hindi na niya sinagot ang tanong namin kung may personal issue ba siya kay Kris.
At sa mga namba-bash sa kanya na nakikisawsaw lang sa issue ni Kris, malaman ang naging hirit ni Enchong na, “I know what I liked. I’m very, very sure with what I liked.”
Pero nilinaw din ng aktor na kapag nagkita sila ni Kris dahil iisang mundo lang naman ang iniikutan nila, ibibigay pa rin niya rito ang due respect at babatiin pa rin naman niya.
At least, may paninindigan si Enchong kaya napabilib naman kami sa kanya, ha?!
Comments