Sa pagbabanta sa ex-manager, ikahihiya raw ni Bimby... KRIS, TINAWAG NA MAMAMATAY-TAO

Ador Saluta / ADORE ME!

KUNG nu’ng una, nagdi-deny pa siyang nagbanta sa buhay ni Nicko Falcis, ang dati niyang managing director sa Kris Cojuangco Aquino Productions, bumuwelta na si Kris Aquino sa akusasyon ni Nicko.

Kumalat sa Facebook ang audio recording ng phone conversation ng isang babaeng pinagbabantaan ang isang lalaki ng: “IPAPAPATAY KA NG PAMILYA KO.”

Unang naihayag sa PEP noong January 4 ang official statement ni Nicko hinggil sa long-distance phone conversation nila ni Kris noong September 27, 2018. Nagpahayag si Nicko na pinangambahan niya ang kanyang buhay sanhi ng pagbabanta ni Kris.

Sa Instagram post ni Kris nitong January 15, inamin niyang siya nga at si Nicko ang magkausap sa kumakalat na audio recording, dahilan para kuwestiyunin niya kung bakit hindi siya pormal na sinampahan ni Nicko ng reklamong grave threat.

Sabi ni Kris (published as is): “I will state the date SEPTEMBER 27, 2018. it is now JANUARY 15, 2019.

“2 very straightforward questions- Why hasn’t Nicko Falcis filed a case of GRAVE THREATS against me with any prosecutor in October, November, December 2018, or this 1st half of January 2019?

“110 DAYS HAVE PASSED. I am ready to face whatever charges and vigorously defend myself in the court of law.

“2nd question: BAKIT HANGGANG NGAYON AYAW SAGUTIN KUNG NASAAN ANG P40 MILLION INVESTMENT NA GALING SA TRUST FUND NG MGA ANAK KO?”

Umani ng magkakahalong reaksiyon mula sa mga netizens ang post ni Kris. Isang netizen ang naghayag ng duda sa diumano’y P40-million investment issue na ibinabato ngayon ni Kris kay Nicko.

Sabi ng isang netizen, “40 million pero ‘yung case that you filed is just P1.2M? Why not file a case for that?!

“Grave threats... very clear from the video recording... you can’t deny the audio recording.. the end of the so-called Queen.”

Sagot dito ni Kris: “Because that was being settled by someone our family trusted. Talks were ongoing between his lawyer and ours... sorry to disappoint you but liars go down.

“I didn’t lie. Never denied. And ‘di sila magaling mag-edit eh- last line was You WILL BE JAILED.

“So I started emotionally angry (rightly so because I just received an awful diagnosis) but ended still believing that justice shall prevail.

“Also sorry illegal recording inadmissible in court. Kung in any portion nasabi lang-I’m recording this- and that was clearly heard lusot na sana.” Isa pang netizen ang kumuwestiyon sa pananakot at panggigipit ni Kris kay Nicko.

Sabi nito, “WOMAN UP MO MUKHA MO!!! IIYAK KA NA NAMAN? MAG-E-FB LIVE KA NA NAMAN? GAGAMITIN MO NA NAMAN ANG MGA ANAK MO? ‘DI KA NA NAHIYA, GINAGAMIT MO ANAK MO PARA MAPAGTAKPAN ‘YANG KA******* MO!! FOR SURE IKAHIHIYA KA N’YANG SI BIMBY PAGTANDA NYA! “KASI IMPAKTA KA!! MAMAMATAY-TAO PA!!!”

Buwelta ni Kris: “Buhay sya, hello??? All caps but inaccurate accusation. Fake account pa- haaayyyyy.”

Isa namang netizen ang humamon kay Kris na diretsahan nang sagutin ang isyu ng pananakot, panggigipit at pagbabanta na ibinabato ng accountant/brand marketing expert/financial whiz laban sa actress-TV host-web star.

“Ang hilig naman magtanong ni Madam. Kailan ka naman magpo-post ng mga straightforward na sagot tungkol sa mga tanong sa ‘yo?

“Hindi ‘papatayin kita’ or ‘mapapatay kita’ kundi ‘ipapapatay ka ng pamilya ko’. Hindi bugso ng damdamin ‘yan. Parang totohanan na, eh. ‘Ika nga ni Madam, hindi s’ya liar.

“Bigla ko naalala bodyguard ni Glen Chong. Hugot si Madam.” Sagot naman ni Kris dito: “Sasagot ako ‘pag hindi na 0 posts 0 followers. Get some balls & you’ll get answers- deal?”