P-Duterte, kasama ng mga Villar sa unveiling ng drug rehab at hotel sa Las Piñas

HELLO, Bulgarians! Pinangunahan ni Pangulong Rodrigo Duterte ang inauguration ng Las Piñas Drug Rehabilitation Center noong December 13, 2018 sa Barangay Daniel Fajardo na donasyon nina dating Senate President Manny Villar at Sen. Cynthia Villar.

Pinasinayahan din ni Pangulong Duterte ang Mella Hotel ng Villar-owned Vistaland. Dumalo sa unveiling at blessing ceremonies ang mga opisyal at kinatawan ng Department of Health (DOH), Philippine Reclamation Authority (PRA), Department of the Interior and Local Government (DILG), Department of Public Works and Highways (DPWH), Las Piñas General Hospital and Satellite Trauma Center, Vice-Mayors League of the Philippines, Provincial Board Members League of the Philippines at mga lokal na opisyal at residente ng siyudad.

Ito ay bahagi ng pagdiriwang ng kaarawan ni Nacionalista Party president at dating Senate President Manny Villar. Siya rin ang nag-iisang Pilipino na kinilala bilang kauna-unahang post-war public official na nahalal na Speaker of the House of Representatives at Senate President.

Sabi ni Sen. Villar na ang proyektong ito ay parte ng kontribusyon ng administrasyon laban sa iligal na droga. Sa ganitong pasilidad malaya ang mga indibidwal na taga-Las Piñas na maging responsable at baguhin ang maling nakagisnan.

Ito ay may dalawang gusali na ini-renovate ng mga Villar, may 86-patient capacity para sa kababaihan at 158-patient capacity para naman sa kalalakihan. Hindi lang ‘yan, mayroon din itong isolation rooms, doctor’s room, laboratory room, kitchen area at dining area na maaaring gamiting seminar area. Ginamit din ito ng Mayor’s League at Philippine Board Member League of the Philippines.

Ang proyektong ito ay ginawa sa pakikipagtulungan ng Department of Health (DOH), Philippine Reclamation Authority (PRA) at Department of Interior and Local Government (DILG).

♥♥♥

Mga katsika, abangan n’yo ang mga picture natin sa Instagram, i-follow n’yo ako -@missbulgarific o i-like ang aking Facebook page –https://www.facebook.com/Missbulgarific

♥♥♥

For event invitations, please, email bulgarific@gmail.com or message me on my Facebook page.

Got to go! It’s so Bulgarific!

xoxo