Kelot tinepok ng tandem

CAPIZ—Isang lalaki ang pinagbabaril hanggang sa mapatay ng riding-in-tandem, kamakalawa sa Bgy. Rosario, Pilar sa lalawigang ito.

Ang biktima ay nakilalang si Rio Adrigado, residente ng nabanggit na barangay.

Nabatid na habang nakatayo umano si Adrigado sa nasabing lugar ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril hanggang sa mapatay ang biktima.

Iniimbestigahan na ng pulisya ang motibo ng mga salarin sa pamamaslang sa biktima.