6-TO-8 GOLD, PAKAY NG PHL JINS SA SEA GAMES

NAKAUGALIAN ng mga namumuno sa National Sports Associations na mag-predict sa medalya na pana­nalunin.

Isa rito sa Philippine Taekwondo Association executive director Sung Chon Hong na nagsabing 6-to-8 gold medals ang ku­kunin sa 2019 Southeast Asian Games na gagawin sa Nobyembre sa ‘Pinas.

“Modesty aside that is my target and I am pretty optimistic they will do it because they have the skills, battle-tested and well-experienced competed in numerous overseas compe­titions and trained in Korea under Korean coach,” sabi ni Hong.

Aniya pa, hindi pa na­bobokya ang mga Pinoy mula nang unang nilaro ang taekwondo sa SEAG noong 1987 sa Indonesia at hang­gang ngayon ay laging na­nanalo.

Bibigyan din niya ng ma­habang exposures sa labas at muling mag-eensayo sa Korea ang Pinoy jins upang mahasa nang husto at lu­mawak ang karanasan bago sumabak sa SEAG.

Kasama sa medal pros­pects ay ang mga beterano na sina Fil-Am Samuel Harper Morrison, Brazil Olympian Kirstie Alora, Christopher Uy, Pauline Lopez at ang poomsae team na sina Jerom Dominguez, Rodolfo Reyes Jr., at Justine Mella at ang women’s squad na sina Rina Babanto, Ju­venile Faye Crisostomo at Janna Dominque Oliva.

Ang gold medalists noong 1991 ay sina Ramil Abratique, Ulysses Mar­celino, Walter Dean Vargas, Ma. Nelia Sy, Bea Lucero, Digne de Leon at Sharon Sowy.