Pahiwatig na manghihina ang pangangatawan kaya magiging sunud-sunuran sa ibang tao

Socrates Magnus

Salaminin natin ang pa­naginip ni Edna ng Edna _Chavez@facebook.com

Dear Professor,

May itatanong ako tung­kol sa panaginip ng aking anak na babae.

Ang sabi niya sa akin, ‘yung ngipin daw niya ay unti-unting lumuwag at nag­lalaglagan, pero may na­tira sa bagang.

Nang magising siya ay ikinagat niya ito kaagad sa unan at kahoy. Ano ang kahulugan nito?

Salamat!

Naghihintay,

Edna

Sa iyo Edna,

Alam mo, iha, ang ngipin ang pinakamatigas na bahagi sa katawan ng tao at ang panga naman ang pinakamalakas na parte.

Nakatutuwa, hindi ba, na ang panga na pinaka­malakas ay ang may hawak sa pinaka­matigas?

Kaya ang mga taong kung tawagin ay pangahan o ma­laki ang panga ay ang mga pinakamalakas na tao sa mundo.

Samantala, ang mga ta­ong malalaki ang mga ngipin ay ang mga pinaniniwalaang mahahaba ang buhay.

Eh, ano kaya ang ibig sa­bihin kapag magulo ang ayos ng mga ngipin o kung tawa­gin ay sungki? Kaya mo bang hulaan? Eh, ano pa nga ba kundi magulo rin ang buhay.

Gayunman, ang pahiwa­tig ng panaginip na nalagas ang mga ngipin ay nagsasa­bing may mamamatay at para mapigilan na may ma­mamatay ay dapat ikagat sa unan o kahoy ang mga ngi­pin.

Parang sa mga hindi na­kauunawa ng ganitong ba­gay dahil natatakot sa kama­tayan, may ikukuwento ako sa inyo, alam n’yo ba na may isang Pinoy na nito lamang ay inalala natin ang kanyang kamatayan at ito ay si Gat Jose Rizal?

Alam mo, sabi niya, “kung sa langit tayo mabu­buhay, bakit kinatatakutan ang oras ng kamatayan”?

May sense ang sinabi ni Rizal, hindi ba? Kasi tuwing haharap ang mga pari sa misa ng patay palagi nilang bina­banggit ang tungkol sa “mu­ling pagkabuhay”.

Bago tayo maligaw, bali­kan natin ang iyong pana­ginip. Ang panaginip na nala­lagas ang mga ngipin ay nag­baba­bala na ang nanaginip ay hu­mihina, as in, she will be weak.

Puwedeng humina ang kanyang katawan, pero pu­we­­de ring mapabilang siya sa mga taong weak ang pag­ka­tao na hindi kayang ipilit ang kan­yang kagustuhan kaya siya ay makikitang sunud-su­nuran sa mga taong sa kanya ay umaalipin.

Hanggang sa muli,

Professor Seigusmundo del Mundo