Sa tuwina
Sa tuwina ika’y naalala,
kahit saan magpunta, ikaw lang ang nakikita.
Hindi mawawala kahit na ano ang maging problema,
nakatatak sa aking puso dahil mahal kita.
Sa tuwina o aking sinta,
wala akong magawa kundi ang mahalin ka.
Gayunman, ikaw ang aking prinsesa at sa
kaharian ko ay magiging masaya.
Sa tuwina hindi natin magiging problema,
ang pagkain, libangan at maging ang susuotin.
Basta tayo ay magkasama at nahahagkan kita
nandito lang ako, hindi na mawawalay pa.
Sa tuwina, ako ay naghihintay na balang-araw
ika’y mapakasalan.
Kasamang tumanda at kumain ng umagahan
maging sa tanghalian, gayundin sa hapunan.
Ilang taon pa ba ang aking hihintayin na ikaw ay
tuluyan ng magiging sa akin?
Sana, hindi na ako maghintay nang matagal
dahil sabik na ako sa iyong tunay at wagas na pagmamahal.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments