Pahiwatig na magkakaroon ng karamdaman mula sa insekto

Socrates Magnus

Salaminin natin ang panaginip ni Jenie ng Ma­­silungan_Laude@ facebook.com.

Dear Professor ,

Ano ang kahulugan ng panaginip ko na may alupihan na inihagis sa akin, tapos sa katawan ko napunta?

Naghihintay,

Jenie

Sa iyo Jenie,

Nagbababala ang iyong panaginip na mag­kaka­roon ka ng karamda­man mula sa insekto, kaya mag-iingat ka.

Para sa iyong kaala­man, narito ang ilang ba­gay na may kaugnayan sa pagkakasakit ng tao:

1. Likas na mahina ang katawan kaya ang sakit ay mas madalas niyang ma­ra­­nasan.

2. Ang pilay, sugat at iba pang karamdaman sa katawan ay mga sakit din.

3. Kumbaga, hindi lang mga mikrobyo ang sanhi ng pagkakaroon ng ka­ramdaman.

4. Ang nakakain o nakainom ng hindi dapat kainin o inumin ay sanhi rin ng karamdaman.

5. Ang nakalanghap ng mikrobyo ay pinag­mumulan ng karamdaman.

Dito sa huli, ang ta­wag ay “air-born di­seases” at para sa iyong panagi­nip, ito mismo ang ibina­babala sa iyo. Kaya mas mabuting gawin mo ang mga sumusunod:

a. Lumayo ka sa ma­raming tao, lalo na nga­yong ang panahon ay ma­lamig at umiinit dahil nakapanghihina ito ng re­sistensiya.

b. Lumayo ka sa mga may sipon, ubo at may sakit sa bahagi ng kata­wan na may kaugnayan sa respiratory system.

c. Ang iba pang pinag­mumulan ng karamdaman ay hindi na makaaapekto sa iyo dahil ang “iniha­gis” ay nakitang “air type”, kumbaga, hangin ang paraan na ginamit dito.

d. Kaya, ikaw ay pi­napayuhan na magpala­kas ng katawan at kumain ka ng masusustansiyang pagkain. Gayundin, pag­ka­tiwalaan mo ang iyong doktor sa iniresta niyang supplements na nababa­gay sa iyo.

e. Pero, ang pagkain ng junk foods ay huwag mo nang ikonsulta pa da­hil alam mo na hindi healthy ang mga ito.

f. Iwasan mo rin ang pagpupuyat, alam mo na­man siguro kung bakit ma­sama ang pagpupuyat.

g. Higit sa lahat, dahil air-born ang ginamit na­ting salita, kung puwede sana ay huwag mong da­lasang ibukas ang iyong bibig kaya limitahan mo ang pakikipagkuwen­tu­han at pakikipagtsis­mi­san. Ang nakikinig sa ba­bala ay napabubuti at hin­di napasasama.

Hanggang sa muli,

Professor Seigusmundo del Mundo