Malinaw ayon sa palad... LALAKING NAKATAKDANG MAKATAGPO NG BABAENG HINDI MUKHANG PERA

Maestro Honorio Ong

KATANUNGAN

1. Matagal na kami ng girlfriend ko, pero dahil wala akong permanen­teng trabaho ay hindi ko siya mapangakuan ng kasal hanggang sa ma­balitaan kong bigla na lamang siyang sumama sa ibang lalaki.

2. Alam ko kung ba­kit nagawa niya sa akin ito dahil wala akong pera, mapera kasi ‘yung sinamahan niyang la­laki. Sa ngayon, ang ba­lita ko, malapit na silang ikasal.

3. Ang gusto kong itanong o malaman ay kung may pag-asa pa kaya kaming magka­balikan o tuluyan na si­yang mawawala sa akin at kung matutuloy ba ang kasal nila ng bago niyang boyfriend?

4. At kung mawa­wala na siya sa akin, ka­ilan kaya ako muling mag­ka­ka-girlfriend at ang ika­lawang girlfriend ko na kaya ang aking mapa­pa­ngasawa? Ano ang kan­yang zodiac sign?

KASAGUTAN

1. Tama lang na ka­li­mutan mo na ang girl­friend mong sumama sa ibang lalaki na mapera da­hil ito rin ang nais sabihin ng naputol at nagkabilog na unang bahagi ng Heart Line (Drawing At a. B. h-h arrow a.) sa kaliwa at ka­nan mong palad. Tanda na tulad ng nangyari na at mangyayari pa sa kasa­lukuyan, bago ka tulu­yang lumigaya sa pag-ibig at pakikipagrelasyon, luluha ka muna sa kabi­guan dahil sa relasyong matagal mong iningatan, ngunit, wala rin palang patutunguhan.

2. Gayunman, hindi ka dapat malungkot o mang­hinayang sapagkat may ikalawang mas maganda at mas okay sa alright na Marriage Line (Drawing A. at B. 2-M arrow b.) na sumulpot sa kaliwa at ka­nan mong palad. Tanda na sa ikalawang pag-ibig, maaaring sa pagkaka­ta­ong ito ay hindi na muk­hang salapi ang babaeng magiging girlfriend mo, bagkus, ka-level lang siya ng iyong pamilya, hindi masyadong mayaman at hindi rin naman kahirapan ang buhay kung saan ti­yak ang magaganap, isang tunay at panghabam­bu­hay nang relasyon ang mag­papaligaya sa inyong da­lawa.

3. Ang pag-aanalisang liligaya ka na sa ikalawang pag-ibig ay madali na­mang kinumpirma ng gu­manda at naayos ding Heart Line (Drawing A. at B. h-h arrow c.) sa gitna hanggang sa dulong ba­hagi sa kaliwa at kanan mong palad. Tanda na pagkatapos ng matin­ding kabiguan sa pag-ibig, may ligaya rin itong dulot sa dakong huli.

MGA DAPAT GAWIN

1. Marvin, bagama’t, magiging maayos na ang susunod mong pakiki­pag­relasyon, hindi ka da­pat manatili na walang trabaho at pa-extra-extra lang sa konstruksiyon, sa halip, huwag kang tumu­lad sa ibang istambay d’yan na hindi nagsisikap.

2. Kailangan mong magsikap upang umunlad ka at nang mabigyan mo ng magandang buhay ang bubuuin mong pa­milya sa hinaharap at mapag-aral mo ang iyong mga anak sa kolehiyo nang sa gayun ay hindi sila matulad sa iyo.

3. Kaya tulad ng na­sabi na, simulan mo nang magsikap ngayon, alang-alang sa susunod na ba­baeng mamahalin at pa­kakasalan mo upang hindi ka na niya muling iwanan kung saan ayon sa iyong mga datos, ang nasabing ikalawang babae na siya na ngang makakasama mo sa pagbuo ng simple, pero masayang pamilya ay nakatakdang maganap ngayong 2019 sa buwan ng Hulyo o kaya ay Agos­to, sa edad mong 28 pataas.