IPAKITA DAPAT NI NIETES KUNG SINO ANG HARI

NATUTO na ng leksiyon si three-division world champion Donnie Nietes mula sa kanyang kontrobersiyal na laban kontra kababayan na si Aston Palicte.

Sinabi ni trainer Edito Villamor na nangako na aniya si Nietes na hindi na siya magkakamali pa sa sandaling makasagupa niya ngayong araw sa Macau si Kazuto Ioka ng Japan para sa bakanteng world junior bantamweight title ngayong Bisperas ng Bagong Taon. “He’s hungrier now,” ani Villamor. “He knows he need to show who’s king.”

Si Nietes ay maaari sanang maging 4-division champion kung hindi dahil sa kanyang kontrobersiyal na draw kay Palicte noong Setyembre sa “Superfly 3”. “It’s clear who won that fight. But we have to move on and focus on this one (against Ioka),” ayon kay Villamor.

Sina Nietes at ang kanyang team ay noon pang Disyembre 25 nasa Macau para sa preparasyon niya ng kanyang 12-rounder laban sa Japanese. Sinabi ni Villamor na okey na ang lahat sa kanyang training camp. “Weight has never been a problem for Donnie. He’s also comfortable at 115 pounds. He even showed that in the Palicte fight,” aniya.

Idinagdag ni Villamor na walang kaso ang edad para sa 36-anyos na si Nietes kahit na edad 29 lamang si Kazuto.

“Skills, experience and power will be Nietes’ key in this fight,” aniya. “Age won’t make much of a difference since Nietes has been very disciplined when it comes to his conditioning. Just look at Manny Pacquiao, he’s 40 now and yet he remains deadly. People like Donnie age like fine wine.”