Salvage victim natagpuan

BENGUET—Isang bangkay ng hindi kilalang lalaki na biktima ng salvage ang natagpuan, kamakalawa sa Bgy. Balili, La Trinidad sa lalawigang ito.

Dahil naaagnas na ang bangkay biktima ay hindi na matantiya ng mga awtoridad ang edad nito, at ang tanging palatandaan ay mahaba ang buhok nito.

Ayon sa ulat, ilang residente ang nakatagpo sa bangkay ng biktima na may mga sugat sa katawan sa naturang lugar.

Patuloy ang imbestigasyon ng mga awtoridad para makilala ang biktima at pagkakakilanlan ng mga salarin.