Para sa datung, kahit pagod na… PAGPAPATAWA NI VICE, OBYUS NA PILIT NA PILIT NA LANG
NO offense meant kay Vice Ganda, pero napansin at naramdaman lang namin na pagod na siya sa ginagawa niyang pagpapatawa sa pelikula, lalo na sa yearly entry niya sa MMFF.
Malaking pressure at obligasyon ang nakaatang sa kanyang balikat dahil sa mataas na expectation sa kanya ng lahat. Dapat ay super duper box office hit ang pelikula niya sa MMFF. Dapat ma-maintain niya ang pagiging No. 1 top grosser sa filmfest.
Lahat ng kasaling movie productions, pinaghahandaan ang Vice Ganda movie, at malaking hamon ‘yun kay Vice Ganda lalo na’t wala na ang dati niyang ka-tandem na si Direk Wenn Deramas na kabisadung-kabisado ang mga eksenang papatok sa mga moviegoers.
Nang mapanood namin ang pelikulang Fantastica ni Vice Ganda, napansin naming medyo pagod at hirap na siyang magpatawa. Ginagawa na lang niya ang lahat upang hindi mabigo ang mga batang suki ng kanyang pelikula sa filmfest.
Sumentro ang istorya ng Fantastica sa peryahan, na sinamahan ng fantasy. May spoof pa sa madadramang eksena nina Kathryn Bernardo at Daniel Padilla sa pelikula, plus eksena ni Atty. Jose Sison ng Ipaglaban Mo.
Kung gusto ni Vice Ganda ng bago sa kanyang character, bakit hindi niya subukan na lagyan ng touch of drama ang susunod niyang filmfest movie?
Ang Comedy King na si Dolphy, nang ginawa ang Tatay Kong Nanay with Niño Muhlach, nanalong Best Actor sa MMFF Awards Night.
Pansamantalang iwan ni Vice Ganda ang mga jokes niya sa comedy bars para mag-level-up siya.
Comments