GO-FOR-GOLD ATHLETES TOTODO SA 2019 SEAG

ISANG malakas na performance ang ipamamalas ng Filipino athletes sa ilalim ng Go For Gold program para sa 30th Southeast Asian Games sa 2019.

Ipipilit ni Nikko Huelgas, ang reigning two-time men’s triathlon SEA Games champion na sagupain at talunin ang kanyang challengers sa 11-nation meet na idaraos sa bansa sa Nob. 30-Dec. 11.

Pagsisikapan din ni Asian Games champion Margielyn Didal, Cebuana skateboarding idol ang paglahok sa Olympic qualifying tournament sa Brazil sa susunod na linggo habang ang Go For Gold cyclists, na pinamumunuan nina Jonel Carcueva at Rex Krog, ay handa na sa makasabog bagang mga rutang tatahakin.

“Our athletes have produced good results this year and with continued support, I believe they can perform better in the SEA Games,’’ ayon kay Go For Gold godfather Jeremy Go.

Isa pang inaasahan na magpapalakas sa laban ay ang dragonboat team ng Philippine Canoe Kayak Dragonboat Federation na naging pamoso sa buong mundo ang tagumpay ma­tapos ang limang gold medals sa world cham­pionships sa Estados Unidos ng nakaraang apat na buwan.

Nakapokus din ang national sepak takraw squad na pag-ibayuhin ang laro nang makahakot ng one-gold, three-bronze medal haul sa nagdaang world championships sa Thailand habang ang Pinoy wrestlers ay darayo pa sa ibang bansa upang makatulong sa kanilang ensayo laban sa best grapplers ng Asya.

“There are still many things our program needs to improve on, including the selection of tournaments where our athletes are bound to compete,’’ ayon kay Go For Gold project director Ednalyn Hualda.

Ayon kay Go, pangangalagaan din ng Team Go For Gold ang training at exposure ng junior cyclists sa national team katuwang ang PhilCycling at makapagprodyus ng Filipino Olympian sa 2020 Tokyo Olympics.

“Different types of sports have a wide variety of needs. The Go For Gold program is trying to fulfill those needs to make the athletes perform at their best,’’ ayon kay Hualda.

Bukod sa pagtulong sa national athletes sa cycling, dragonboat at sepak takraw, naglaan din ng tulong ang Go For Gold sa tagumpay ng men’s triathlon squad, skateboarding team at ng elite Filipino wrestlers. “I wouldn’t have won two gold medals (in the SEA Games) if not for support of Go For Gold. They supported me throughout my journey in the past two SEA Games,’’ ani Huelgas. (MC)