KUMPIRMADO ANG PAGBABALIK NI BLATCHE SA NATIONAL TEAM

KINUMPIRMA ni naturalized player Andray Blatche na magbabalik siya sa Philippine national basketball team matapos na dumanas ang kanyang team ng ilang kabiguan sa qualifying round ng 2019 FIBA World Cup.

“It’s confirmed!” ayon sa dating NBA player sa FIBA Official website. “I will be back to play for the Philippines in February! Can’t wait to win these two games for the best fans in the world.” Unang sinabi ni Al Panlilio, pangulo ng Samahang Basketbol ng Pilipinas, na lumabas sa ABS-CBN News na excited na si Blatche na suutin ang national colors para sa final pair ng World Cup qualifying games sa Pebrero.

Binanggit pa ni Panlilio na “kinakausap” ng SBP si Blatche at umaasa itong makababalik sa paglalaro sa team. “He sent us word of his commitment for the next window. In fact, he is willing to come in early to get in top shape and to work with coach Yeng (Guiao to) understand his system,” sabi ni Panlilio sa text message. (MC)