“PRAY FOR BRONER, DON’T WORRY TULOY ANG LABAN NAMIN”-PACMAN

“IPANALANGIN natin siya,” ayon kay Manny Pac­­quiao hinggil sa nabalitaan niyang nangyari sa maka­sasagupa niyang si Adrien Broner na inaresto nitong Ka­paskuhan makaraang mabigo na magpakita sa hearing. Nakaiskedyul ang Pinoy boxing icon na depensahan ang kanyang WBA welterweight title kontra sa American challenger na si Broner sa Enero 19 sa Las Vegas. “This is boxing. This is entertainment. We have to do our job in the ring. Outside the ring, we should be compassionate, be friendly, and help others,” saad ni Pacquiao sa ABS-CBN News mata­pos ang kanyang training.

Naniniwala si Pacman, na si “The Problem” Broner ng Cincinnati ay kayang malam­pasan ang problemang kina­kaharap ngayon. “He can handle it. The problem,” aniya. Plano raw ni Pacquiao na ibahagi ang mga salita ng Diyos kay Broner na naha­harap ngayon sa patung-patong na kaso.

“Of course in my heart, my desire is to have a conversation with him after the fight and I can share with him the real life, the word of God,” aniya. May isang bu­wan na ring nagsasanay si Pacquiao sa Los Angeles bilang pagha­handa niya sa inaabangang bakbakan nila ni Broner sa Enero 19 sa Las Vegas, Nevada. Samantala, tiniyak na­man ni Pacman na matutu­loy pa rin ang kani­lang showdown ni Broner. “The fight is a go. Broner was arrested for another brush with the law but he was able to post bail,” deklaras­yon ni Pacquiao na lumabas sa Philboxing mata­pos ang jogging niya sa Pan Pacific Park kahapon. “I believe Broner is professional. He knows what is at stake in this fight. So, I’m not worried about him. He will show up during the fight,” ani Pacquiao. (MC)