Habang nasa U.S detention | 8-ANYOS DEDBOL

BINAWIAN ng buhay ang isang 8-anyos na Guatemalan migrant habang nasa kustodiya ng U.S government.

Ayon sa U.S Customs and Boarder Protection (CBP), Disyembre 24 nang nasa kustodiya nila ang menor-de-edad at ama nito nang mapansin ng isang Boarder Patrol na may sakit ang bata.

Dinala sa Gerald Champion Regional Medical Center sa Alamogordom New Mexico ang mag-ama kung saan na-diagnosed na may lagnat ang bata at agad nakalabas sa pagamutan.

Ngunit, kinagabihan, nagsimulang magsuka ang bata dahilan para ibalik ito sa pagamutan at doon na ito binawian ng buhay.

Hindi pa matukoy ang sanhi ng pagkasawi ng bata.

Matatandaang, may nasawi ring menor-de-edad ngayong buwan habang nasa U.S. detention.