Kahit ipinagpalit pa sa iba… SUNSHINE, WALANG BALAK IPA-ANNUL ANG KASAL SA MISTER

ANG Afternoon Prime ng GMA-7 na Inagaw na Bituin ang isa sa mga ba­gong soaps ng network na unang eere at mapapanood dahil sa January, 2019 na ang airing nito.

Nagte-taping pa lang ang cast, pero para mas makilala ang isa’t isa at maging close, nagka­roon sila ng Christmas party na magka­kasama.

Sina Kyline Alcan­ta­ra at Therese Mal­var ang mga bida sa young cast, at sa senior stars, magpapa­ga­lingan sa acting sina Sunshine Dizon, Angelika dela Cruz, Angelu de Leon, Mar­vin Agustin at Jackie­lou Blanco. May na­kita pa kaming kasa­ma sa picture sa taping si Ricky Davao.

Sa isang interview, naikuwento na ni Sunshine ang story ng Inagaw na Bituin based sa nakunan na ni Direk Mark Reyes. Ayon kay Sunshine, ma­gan­da ang story ng soap na tungkol sa buhay-showbiz, kaya makaka-relate ang mga taga-showbiz.

“Isa sa mga na­gus­tu­han ko sa role ko sa Inagaw na Bituin, singer-actress ako rito and I’ve got to sing using my real voice. Excited na akong mag-recording at kumanta at origi­nal songs pa ang ka­kan­­tahin namin ni Ange­lika,” sabi ni Sunshine.

Samantala, loveless pa rin si Sunshine after nilang maghiwa­lay ng kanyang husband. She is not looking for love at this point.

“Happy na ako with my children at ‘pag nakahanap ako ng new love, baka doon na ako mag­pa-annul,” sabi ni Sunshine.