Negosyante nilikida ng tandem

GENERAL SANTOS CITY—Isang negosyante ang namatay nang barilin ng riding-in-tandem, kamakalawa sa Bgy. Lagao sa lungsod na ito.

Kinilala ang biktima na si Mapulo Kamid, residente ng Bgy. Amid North sa nabanggit na lungsod.

Nabatid na nakaupo umano si Kamid sa nasabing lugar nang biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Nagpalabas na ng manhunt operation ang pulisya para madakip ang mga salarin.