Malinaw ayon sa palad...BABAENG NAKATAKDANG MAKATULUYAN ANG KASALUKUYANG BF KAHIT MAY IBA PANG KA-CH

Maestro Honorio Ong

KATANUNGAN

1. May boyfriend ako ngayon at magdadala­wang taon na ang relas­yon namin sa Pasko.

Gusto kong malaman kung siya na ba ang aking makatutuluyan?

2. Niyayaya na niya akong magpakasal kami, pero hindi niya alam na may kaibigan ako sa in­ternet na foreigner. Min­san, nang sumagi sa isip ko na baka foreigner ang mapapangasawa ko kaya naging kaibigan ko ang foreigner na ito?

3. Ano ang masasabi ninyo, may chance ba na foreigner ang mapanga­sawa ko at makapanira­han din kaya ako sa ibang bansa?

KASAGUTAN

1. Hindi ka ba seryoso sa boyfriend mo at hindi mo na ba siya mahal, Car­mela? Kung mahal mo ang boyfriend mo at ser­yoso ka talaga sa kanya, hindi ka na dapat nakiki­pag-chat sa foreigner na naghahangad na maging girlfriend ka.

2. Kung ikakatwiran mong “magkaibigan lang kayo ng foreigner na ka-chat mo”, ang tanong ay bakit iniisip mo na baka siya ang mapangasawa mo sa future o kung sa­kaling mag-aasawa ka na?

3. Sa madaling salita, niloloko mo ang boy­friend mo dahil sa ban­dang huli ay alam mong maaaring magkahulugan kayo ng loob ng ka-chat mo at may mabuong relas­yon sa inyong dalawa.

4. Dapat linawin mo muna ang isip mo at ta­nungin ang iyong sarili: “mahal mo ba ang boy­friend mo o baka hindi mo siya mahal kaya nanga­nga­rap ka pang makapag-asawa ng foreigner?”

5. Samantala, anuman ang kalabasan ng perso­nal mong pagsusuri sa iyong sarili, ang pinaka­malinaw sa lahat, may ma­kapal at mahabang kaisa-isang Marriage Line (Dra­wing A. at B. 1-M arrow a.) sa kaliwa at kanan mong palad.

6. Ibig sabihin, kung may “quality relation­ship” na namagitan sa inyo ng boyfriend mo at idagdag pa natin kung may nangyayari na sa inyo at walang problema ang relasyon ninyo sa loob ng dalawang taon, tulad ng nabanggit na, ang guhit ng Marriage Line (Drawing A. at B 1-M ar­row a.) ay nagsasabing ka­hit na may ka-chat ka pang foreigner sa kasalu­kuyan, sa bandang huli ay hindi rin mahahadlangan na kayo ang magkaka­tuluyan ng kasalukuyan mong boyfriend sapagkat iisa lang ang maayos at magandang Marriage Line (arrow a.) sa kaliwa at kanan mong palad.

MGA DAPAT GAWIN

1. Kung hindi mo mas­yadong mahal ang boy­friend mo, Carmela, kaya nakikipag-chat ka pa sa foreigner, dapat ay linawin mo na agad ito sa iyong sarili at sa boyfriend mo upang hindi siya umasa sa inyong relasyon.

2. Samantala, kung pinapangarap mo na­mang makapag-asawa ng foreigner, sa halip na ang boyfriend mo, ibig sabihin lang nito ay hindi mo ta­laga siya mahal.

3. Gayunman, tulad ng nasabi na, anuman ang mangyari sa magulong isip mo, sa bandang huli, ang kaisa-isang Marriage Line (Drawing A. at B. 1-M arrow a.) pa rin ang matutupad sa ayaw at sa gusto mo — ang kasa­lukuyan mong boyfriend ang iyong makatutulu­yan at sa sandaling na­ging mag-asawa na kayo, ang nasabing relasyon ay habambuhay nang magi­ging maunlad at maligaya (Drawing A. at B. h-h arrow b.).