Lalaking problemado dahil sa kutob na iba ang hitsura ng kanyang ka-chat

Dear Roma,

Ako si Ariele, 23 years old at taga-Quezon City. Gusto kong humingi ng advice sa inyo tungkol sa kutob ko. Ngayon ay may­­roon akong ka-M.U. na taga-Cebu, halos isang taon na kaming nagkaka­mabutihan, pero hindi pa kami nagkikita kahit isang beses. Nararam­daman kong seryoso siya sa akin, pero pakiramdam ko talaga na ‘yung muk­ha na ginagamit niya sa so­cial media, eh, hindi sa kanya. Roma, ano ang da­pat kong gawin? Sala­mat! — Ariele

Ariele,

Kung kinukutuban ka na, iho, mas mabuti na kom­prontahin mo na siya tung­kol sa iniisip mo. Mahirap kasi na mag-assume ka na hindi siya ‘yun kung hindi naman kumpirmado. Ma­ipa­payo namin sa’yo na kung sakali mang hindi ‘yun ang totoong mukha niya, tanggapin mo pa rin siya dahil tulad nga ng nabang­git mo, nagkakamabutihan naman kayo. Hangad namin na makausap mo siya ka­agad tungkol dito nang sa gayun ay mawala na ang pangamba mo. Go, bro! God bless!