HOTSHOTS, KAMPEON!
HINDI na hinayaan ng Magnolia na makaporma pa ang Alaska kaya tinuka nila ang 102-86 panalo sa Game 6 kagabi upang sikwatin ang korona sa 2018 Philippine Basketball Association, (PBA) Finals sa Ynares Center, Antipolo.
Inalagaan ng Hotshots ang malaking abante nila sa second half upang makuha ang matamis na panalo at tapusin ang kanilang best-of-seven finals series. Sa simula pa lang ipinaramdam na ng Hotshots ang kanilang lakas matapos nilang ungusan ng malaking bentahe ang Alaska sa unang dalawang periods.
Hinawakan agad ng Pambansang Manok Magnolia ang 18-points lead, 60-42 sa halftime.
Samantala, natupad na ang pangarap ni CJ Perez na makapasok sa Philippine Basketball Association, (PBA) matapos siyang piliin ng Columbian sa naganap na 2018 annual PBA Rookie Draft sa Robinson’s Place Manila. First round No. 1 pick si former NCAA Most Valuable Player, (MVP) Perez. “Dream come true, matagal ko ng pinapangarap na makapaglaro sa PBA, tapos ito pa, binigyan ako ng prEbilehiyo na maging first pick,” saad ni Lyceum of the Philippine star Perez.
“Susuklian ko ito ng hustle at effort every game.” Inabot ng mahigit dalawang oras ang pilian, 41-sa 47 na nagpatala ang masuwerteng nakursunadahan ng mga teams sa PBA.
Napunta si Bobby Ray Parks Jr. sa Blackwater Elite bilang No. 2 pick.
Subalit wala ang anak ni dating PBA best import Bobby Parks Sr. ng tawagin ang kanyang pangAlan ng Blackwater dahil kasalukuyan siyang naglalaro sa San Miguel Alab sa Asean Basketball League sa Surabaya. Napiling pangatlo si Robert Bolick ng NorthPort bahang sorpresang fourth pick si Paul Desiderio lumanding siya sa NLEX.
“Amin na ito, “ hayag ni NLEX coach Yeng Guiao ng kunin si Desiderio. (ATD)
Comments