HINDI MA-PREDICT KUNG ILAN ANG SEAG MEDAL, PERO OPTIMISTIKO ANG PATAFA

HINDI nag-predict si PATAFA secretary general Renato Unso kung ilang medalya ang kukunin ng mga Pinoy sa 2019 Southeast Asian Games.

Subalit kumpiyansa si dating SEAG middle distance record holder na maganda ang ipakikita ng mga Pinoy na mataas ang morale at inspirado dahil sa ‘Pinas gagawin ang paligsahan.

“ I won’t predict how many medals they will get. I am pretty optimistic they will be inspired and determined because they will be competing before their countrymen who will cheer for them ,” wika ni Unso sa panayam sa kanya.

Determinadong manalo ang mga atleta dahil ayaw nilang mabigo sa harap nang kanilang mga kababayan at nananalangin sa kanilang tagumpay na ngayon lang mapapanood matapos ang 13 taon matapos ang 2005 edition na humakot ang mga Pinoy ng 113-84-94 total medals.

“Hopefully, they will live up to expectation and make the country proud and erase the mediocre showings in the last two SEA Games in Singapore and Malaysia.”

Pangungunahan nina Brazil Olympians Filipino-American Eric Shawn Cray at Mary Joy Tabal ang kampanya sa athletics kasama si fellow Fil-Am Anthony Trenten Beram at locals na sina Harry Mark Diones, Aries Toledo, Marco Vilog, Francis Medina, Edgardo Alejan, Archand Christian Bagsit, Lemuel Camino at Jomar Udtohan.

Si Toledo ay reigning champion sa decathlon, Diones sa triple jump, at si Tabal sa marathon SEA Games.

Si Cray, champion sa Asian Athletics at beterano ng World Athletics sa London, ay puspusan ang paghahanda sa El Paso, Texas kung saan siya nakatira kasama ang kanyang Pinay na ina.

Si Cray ang unang Pinoy na nanalo sa 100m at 200m sa SEA Games sa Singapore ati tinanghal na fastest male runner.

Bigo si Cray na maipagtanggol ang korona sa century dash na natalo sa Malaysian runner at naka-silver medal lamang.

Ang athletics ang premier sport sa 56 sports na tampok ang mahigit 40 events sa dalawang linggong torneo tampok ang mahigit 10,000 atleta mula sa 11 mga bansa na bumubuo sa rehiyon.

Gagawin ang biennial meet sa state-of-theart New Clark City Sports Complex sa Capas, Tarlac.