Gustong tulungan ang lola na nagpapaaral sa kanya

Dear Roma,

Ako si Janella, 17 years old. Sa ngayon ay wala na akong komuni­kasyon sa mama ko ha­bang ang papa ko naman ay may ibang pamilya na, kaya lola ko ang nag-a­alaga sa akin. Si lola ang sumasagot sa mga gas­tusin ko sa school sa pa­mamagitan ng maliit ni­yang negosyo. Sa totoo lang, Roma, naaawa na ako sa kanya dahil alam kong hirap na siyang mag­trabaho, pero ginagawa pa rin niya ang lahat para lang maibigay niya ang mga pangangailangan ko. Ano ang dapat kong gawin para matulungan ko siya? Salamat! — Janella

Janella,

Naku, iha, mahirap nga ang sitwasyon ninyo gayung nag-aaral ka pa at hirap na magtrabaho ang iyong lola. Ang maipapayo namin sa’yo ay subukan mong mag­tra­baho kahit part-time job lang sa fastfood chain o kaya bilang tindera o taga-bantay ng shop ng kahit na anong negosyo nang sa ga­yun ay mayroon kang kitain kahit pa maliit na halaga. Puwede ka rin namang tu­mu­long sa negosyo ng lola mo kung wala ka nang ga­gawin pagkauwi mo galing sa school. Hangad namin na makatapos ka ng pag-aaral sa kabila ng iyong mga pinagdaraanan. Good luck at God bless!