Para dehins ka ma-late, besh! TIPS PARA MAKAIWAS SA MATINDING TRAPIK
NAKAKUNOT ang noo dahil sa trapik at init? Naku, perhuwisyo talaga ‘yan, kaya narito ang ilang mga paraan upang makaiwas tayo sa matinding trapik sa daan:
1. CHANGE YOUR ROUTINE. Dahil truck holiday ngayon, tiyak na inaabutan ka na ng trapik kahit anong oras, kaya mainam kung tayo na mismo ang mag-a-adjust nang sa gayun ay hindi tayo ma-late sa eskuwela o opisina, iwas-kaltas pa! Hi-hi-hi!
2. ADVANCE YOUR CLOCK. Ito ang sikreto ng mga tao na kung tawagin ay “most punctual”. Sa ganitong paraan hindi ka lang advanced mag-isip kundi advanced ka ring kumilos. Lalo na sa kababaihang nagme-make-up pa bago umalis kasi kilay is life. He-he-he!
3. WALK IF NECESSARY. Kung matindi ang trapik, pero malapit ka na rin sa iyong bababaan, don’t hesitate na maglakad kung alam mong mas mauuna ka pang maglakad kaysa umandar ang sinasakyan mong jeep o bus. Exercise rin ‘yun, mga lodi!
4. DON’T BE AFRAID TO ASK. Minsan, nale-late tayo dahil wala tayong masakyan, kaya mainam na magtanung-tanong dahil baka hindi natin alam na kaya pala walang pampasaherong sasakyan, eh, dahil nagwelga sila. Ha-ha-ha!
5. FOCUS. Huwag kang tutulug-tulog dahil baka sa sobrang antok mo, eh, lumagpas ka pa at ito pa ang maging dahilan kung bakit ka na-late sa eskuwela at opisina. Tsk! Pero, ‘ika nga nila, ‘di bale nang lumagpas sa pupuntahan, ‘wag lang madukutan. ‘Yun lang!
Oh, ayan, mga lodi, dehins n’yo na need mag-worry. Sundin na ninyo ang tips na ito at huwag nating hayaang ang maging forever natin ay ang trapik! Gets mo?
Comments