Mister, feeling safe sa ex ng misis… SAM, PINILI NI DIREK PAUL PARA SA MOVIE NI TONI

Vinia Vivar / FRANKLY SPEAKING

SA pelikulang Mary, Marry Me ay first time ni Toni Gonzaga na makasali sa Metro Manila Film Festival, kaya sobrang thankful ang TV host-actress. Bukod kasi sa siya ang bida (along with Sam Milby and sister, Alex Gonzaga), siya rin ang producer ng movie na first venture niya into film production sa ilalim ng kanyang bagong tatag na produksiyon, ang TinCan Productions, kasama ang TEN17P Productions ng asawa niyang si Direk Paul Soriano.

When they were doing the movie, aminado si Toni na dream nila ang makapasok sa MMFF, pero they were planning na i-release sana ito sa January in time sa birthday nila ni Alex.

“We tried our best to finish the film para mai-submit siya sa MMFF, pero naka-slate talaga kami, dapat January in case na hindi pumasok.

“But we always had this conscious effort to make the film light, fun, comedy and romantic na parang puwedeng pumasok siya sa MMFF, kaya we were all surprised and very grateful and thankful na isa siya sa mga napagpilian sa MMFF,” sabi ni Toni kahapon sa grand presscon ng Mary, Marry Me.

Naunahan pa nga siya ng kapatid niyang si Alex na pangatlo na itong MMFF (ang naunang dalawa ay The Amazing Praybeyt Benjamin at Buy Now, Die Later).

“Kasi dati, parang hindi ako pang-MMFF, hindi ko naiisip na mag-MMFF kasi it’s the busy time of the year. So, parang I’ve never really pictured myself being part of the festival. But I remember being bata kami ni Alex, we would go to Sta. Lucia ‘pag MMFF, ‘di pa kami artista nu’n, tapos makikipila kami.

“Naalala namin, lagi naming pinapanood ang Shake, Rattle and Roll,” sey pa ni Toni.

Singit naman ni Alex, “Crying Ladies, Rubber Man, Gagamboy.”

Patuloy ni Toni, “Pinapanood lang namin dati ang mga entries, so we’re really thankful and grateful na 20 years after, magiging entry din kami para pagpilian.”

When asked kung ano ang feeling niya na makikipag-compete siya mga “regulars” and “heavyweights” ng MMFF na sina Vice Gan­da, Coco Martin and Vic Sotto, ani Toni ay hindi naman siya nakikipag­kumpitensiya.

“Katulad ng sabi ko kanina, ‘pag ninenerbiyos ako or kung pumapa­sok ‘yung pressure, binabalikan ko lang nu’ng bata kami ni Alex, binabalikan ko lang ‘yung time na nasa Taytay kami, tapos pu­punta kaming Cainta para mano­od ng MMFF, para pumila sa mga entries.

“‘Pag binalikan mo lang ‘yun, ‘yun pa lang, eh, mase-savor mo na ‘yung opportunity na you’re part of the MMFF this 2018. So, parang du’n pa lang, grateful na ako.

“It’s not about competing against my friends in the industry who I’ve worked with also. It’s about being one with them in giving beautiful film this Christmas na ma­ka­kapagpasaya sa mga tao.

“So, instead of thinking na I’m up against them, parang we’re all together in this festival to give the viewers an option and so many beautiful choices to watch this Christmas,” pahayag ni Toni.

Sa pagpili naman kay Alex as co-lead star of the movie, ayon kay Toni ay noon pa niya gustong makatrabaho ang kapatid.

“I’ve always wanted to work with Alex. Gusto kong makita kung paano siya makatrabaho sa film, kung ano ang magiging dynamics namin because in real life, and even ‘yung sa mga vlogs niya, and even on TV, I feel like we always have this strong bond and chemistry and I just wanna see how it will reflect on the big screen,” saad ni Toni.

Top choice naman daw talaga si Sam Milby bilang kanilang leading man at mis­mong si Direk Paul Soriano pa raw ang nag-suggest sa aktor.

Ito nga ang bale reunion movie ng tambalan nina Toni at Sam after Ang Tanging Pamilya: A Marry Go Round in 2009.

Mula sa direksiyon ni RC delos Reyes, showing na ang pelikula sa Dec. 25.