LUCKY 13TH WIN NG DAVAO TIGERS SA MPBL DATU CUP

KAAKIBAT ng suwer­te ang pagposte ng ika-13 panalo ng Davao Cocolife Tigers matapos daigin ang palabang Pasig Pirates, 88-82 sa eliminasyon ng Mahar­lika Pilipinas Basketball League Datu Cup kamakai­lan sa Marist School Gym ,Marikina City. Ang mga pi­rata ng Pasig City na galing sa tatlong sunod na talo ay nagpa­siklab sa loob ng tatlong yugto sa mahusay na orkes­trasyon at outside shooting ni Boyer Bautista, peri­meter points ni ex-pro Ger­win Gaco at inti­midasyon sa paint ni Mark Andaya upang manatiling nagha­habol ang Tigers ni team owner Claudine Bau­tis­ta ng Davao Occidental LGU sa ayuda nina Cocolife presi­dent Elmo Nobleza, FVP Joseph Ronquillo at AVP Rowena Asnan.

Kinambalan naman ng suwerte ang pinal na yugto para sa Davao Cocolife sa pagputok ng kanilang out­side sniping sa pangunguna ni veteran ex-PBA Leo Najor­da na nagpasabog ng 5 tres kaagapay sina homegrown players Joseph Terso at Louie Medalla upang patahi­mikin ang Pasig Pirates para manatili sa ituktok ng team standings (13-3) ang Tigers sa South Division ng liga.

“It’s a hard earned vic­tory. Thankful ako ‘di basta bumigay ang ating Tigers at sinuwerte ang mga asintado natin sa endgame,” wika ni manager Ray Also. (MC)