DAVAO TANKERS AT PALAWAN ATHLETICS, PETMALU SA BRUNEI

TULOY ang ratsada ng Davao swimming team, ha­bang ipinamalas ng Palawan ang matibay na programa sa athletics sa impresibong panalo sa ikalawang araw ng kom­petisyon nitong Sabado sa 10th Brunei-Indonesia-Malaysia-Philippines-Northern Territory-East Asia Growth Area (BIM­PNT-EAGA) Friendship Games sa Hassanal Bol­kiah National Stadium sa Brunei.

Itinanghal na unang Pinoy double gold meda­list si Fritz Jun Rodriguez nang pagbidahan ang Davao sa dominanteng panalo sa 100 meter breast stroke sa tiyempong 1:09.­59. Nauna nang nadomi­na ng 17-anyos at ngayo’y recruit ng San Beda Col­lege ang 50-meter breast sa pagsisimula ng swim­ming event nitong Biyernes.

Kapwa sinungkit nina Jessel Lumapas at John Lloyd Cabalo, magkaba­bar­yo sa San Vicente, Pa­la­wan, ang gintong medal­ya sa women’s at men’s 400 me­ters.

Nailista ni Lu­mapas ang winning time na 57.47 se­gundo, habang nakatawid sa finish line si Cabalo sa ti­yempong 50.14 segundo.

Sa darating na pasu­kan, kapwa bahagi ng Na­tional University scholar­ship pro­gram sina Luma­pas at Ca­balo. Nakamit din ni Luma­pas ang silver medal sa cen­tury dash sa tyempong 12.­65. Nagwagi rito si Chelsea Cassioppea Evalib ng Sabah sa pinaka­mabilis na oras na 12.35.

Suportado ng Phi­lippine Sports Commis­sion (PSC) sa pamumuno ni Chairman William ‘Butch’ Ramirez, gayun­din ng pamahalaang pambayan ng Davao at Palawan at Mindanao De­velopment Authority ang partisipasyon ng may 100 atleta at supporting person­nel dito. Si Com­missioner Charles Ray­mond Maxey ang Chief of Mission.