After 4 years, absuwelto sa pandarambong | LAYA NA SI KAP

NOT guilty. Ito ang na­ging hatol at tuluyang pi­na­walansala ng Sandigan­bayan si dating Senador Ramon ‘Bong’ Revilla, Jr., kaugnay sa kaso nitong plun­der o pandarambong.

Sa naging desisyon ng 1st Division, pinawalan­sala si Revilla dahil umano sa ka­walan ng matibay na ebi­den­siya na direktang isina­sang­kot ito sa maanomal­yang pag­­gamit ng kanyang pork barrel fund.

Kasabay ng pag-absu­welto, inatasan naman ng korte si Revilla na magbayad ng kabuuang P124.5 million na civil liability na kailangan niyang ibalik sa National Trea­­sury.

Gayunman, iaapela pa umano ito ng kampo ng da­ting senador.

Hinatulan namang guilty sa nasabing kaso ang ‘utak’ ng scam na si Janet Lim-Napoles at maging ang da­ting staff ni Revilla na si Richard Cambe.

Parusang ‘reclusion per­petua’ o habambuhay na pag­kakabilanggo ang ipina­taw ng korte kina Napoles at Cambe.

Sa rekord ng kaso, si Re­villa ay inakusahang nag­bulsa ng mahigit P200 mil­lion kickback sa pagpapa­gamit ng kanyang pork bar­rel funds sa bogus na non-government organization ni Napoles.

Ang senador ay naku­long sa custodial center ng PNP sa Camp Crame mula pa noong 2014.

Samantala, naglagak ng piyansa si Revilla kaugnay sa kaso nito.

Labing-anim na bilang ang kinahaharap na kasong graft ni Revilla, bukod pa ang plunder case niya kung saan siya napawalansala.

Matapos makapagpi­yansa, ibinalik muli sa Camp Crame si Revilla para su­ma­ilalim sa medical examina­tions.

Sa Camp Crame na hi­nintay ni Revilla ang kan­yang release order. Sa New Bilibid Pri­son (NBP) naman da­dalhin si Richard Cambe matapos mapang guilty.

Habang si Napoles ay mananatili sa kan­yang ku­lungan sa Camp Ba­gong Diwa sa Taguig.